எங்கேயும் காதல் –மனைவி, லவ்வரோடு போவாதீங்க..

கொஞ்சம் லேட்டானாலும் கண்டிப்பாக இந்த படம் பற்றி எழுதியே தீருவேன். நீங்க கேட்டாலும் கேட்காவிட்டாலும் படத்தின் கதையையும் சொல்லியே தீருவேன். அப்பதான் என் மனசு ஆறும்.

ஒருத்தன் லீவுக்கு வெளிநாடு போறான். பொண்ணுங்களோட ஜாலியா இருக்கான். அவன ஒரு பொண்ணு லவ் பண்ணுறா. இவ்வளவுக்கும் அட்ராக்டிவா அவன் ஒரு எழவையும் பண்ணாம சும்மாதான் இருக்கான். அவ லவ்வ சொல்லப்போறப்ப அவளக் கண்டுக்காம ‘டாடா’ சொல்லிட்டு ஊருக்கு வந்துடுறான். இடைவேளை. ஒரு வருசம் கழிச்சு திரும்பவும் லீவுக்கு வர்றான். ரெண்டு பேரும் அதுவரைக்கும் சும்மாதான் இருக்காங்க. இப்போ என்னாவுதுன்னா, அவ அவன கண்டுக்காத மாதிரி நடிக்கிறா.. அவனுக்கு லவ்வு வந்துடுது. இவ்வளவுக்கும் அட்ராக்டிவா அவ ஒரு எழவையும் பண்ணாம சும்மாதான் இருக்கா. இப்போ டிவிஸ்ட். அவ அப்பா வந்து அவன்கிட்ட ‘நீங்க பணக்காரங்க, நாங்க ஏழ.. ப்ளீஸ் ஊருக்குப்போயிரு, இது வாணாம்’ங்கிறாரு. அவனும் சரின்னுட்டு ஊருக்குப் போயிடுறான். கடைசி அஞ்சி நிமிசம். ரெண்டு பேருக்கும் சோகத்துல இருக்காங்க. அப்போ ஒரு புறா (ஆமாங்க நிஜ புறாதான்) வந்து தூது போயி அவங்களை சேத்துவைக்கிது. சுபம்.

இடையிடையே பாட்டுகளா போட்டுக் கொல்றாங்க.. ஃபைட்டு வேணுமா.? ஹீரோவும், ஹீரோயினும் கார்ல போறப்ப திடீர்னு ஹீரோ கோவப்பட்டு ஹீரோயினை பாதிவழியில இறக்கிவிட்டுட்டு போறாரு. கபால்னு நாலு பேரு ஹீரோயினைத் துரத்துறாங்க. தெரு முனை வரை போயிட்டு ஹீரோ திரும்பி வந்து இவனுங்களோட சண்டை போட்டு காப்பாத்தி ஹீரோயினை கூப்பிட்டுட்டு போயிடுறாரு. திரும்பவும் கார்ல ஜாலியா பேசிகினே போறாங்க.

வேலை பிஸி, மத்த டென்ஷன்களுக்கு மத்தியில ரொம்பக் கஷ்டப்பட்டு, நேரமானதால சாப்பிடாமக் கொள்ளாம அவசர அவசரமா பொண்டாட்டி, புள்ளையைக் கூட்டிகிட்டு தியேட்டருக்கு வந்து.. ரிலாக்ஸ்டா ஏதும் படம் பாக்கலாம்னா.. இப்படியாடா பண்ணுவீங்க.? வந்த எரிச்சல்ல தியேட்டரை விட்டுக் கிளம்பும் போது மனைவியைப் பார்த்து, ’பசிக்கிது, சீக்கிரம் வாயேன்.. அன்ன நடை நடந்துகிட்டு..’ என எரிஞ்சி விழ, அவர் பதிலுக்கு, ‘வீட்ல இருக்குற வேலையைப் போட்டுட்டு கூப்பிடுறீங்களேன்னு வந்தா எனக்கு இதுவும் வேணும், இன்னமும் வேணும்.. எவன் மேலயோ உள்ள கோவத்த என் மேல காமிக்கிறீங்களா’னு ஆரம்பிச்சு, பேச்சு வளர்ந்துடுச்சு. அப்புறம் என்ன ஆகியிருக்கும்னு உங்களுக்கே தெரியும்.

ஏற்கனவே குடும்பத்துல இருக்குற பிரச்சினைகளை சமாளிக்கத்தானே இப்படி நாலு இடத்துக்கு, கடைத்தெருவுக்கு, சினிமாக்குன்னு போறோம். அதுனாலேயே குடும்பத்துக்குள்ள குழப்பம் உண்டுபண்றீங்களேடா.. உங்களுக்கெல்லாம் மனசாட்சியே கிடையாதா.? அந்தக் கடவுள்னு ஒருத்தன் இருந்தா உங்களையெல்லாம் எண்ணைச் சட்டியில் போட்டு வறுத்து நல்லாக் கேள்வி கேப்பாண்டா.!

.